«Ռեալ Սոսյեդադի» կիսապաշտպան Մարտին Զուբիմենդին արդեն Լոնդոնում է։ Ինչպես հաղորդում է The Athletic-ը, 26-ամյա ֆուտբոլիստը շուտով կհանդիպի «Արսենալի» ներկայացուցիչների հետ։ Կողմերը պետք է կարգավորեն տրանսֆերի հետ կապված բոլոր ձևականությունները։

«Արսենալը» Զուբիմենդիի տրանսֆերի վրա աշխատում է երկար ժամանակ, քանի որ նրա պայմանագիրը «Ռեալ Սոսյեդադի» հետ ներառում է 60 միլիոն եվրոյի գնման հնարավորություն։ Միևնույն ժամանակ, մամուլը Մարտինին կապում էր մեկ այլ խոշոր ակումբի՝ «Ռեալ Մադրիդի» հետ։

2024/2025 մրցաշրջանում Մարտին Զուբիմենդին խաղացել է 48 խաղ՝ խփելով երկու գոլ և կատարելով երկու գոլային փոխանցում թիմակիցներին։