«Լիվերպուլի» պաշտպան Էնդրյու Ռոբերտսոնը հավանություն է տվել «Ատլետիկո Մադրիդ» տեղափոխվելու գաղափարին։ Այս մասին հայտնում է AS-ը։

Աղբյուրի համաձայն՝ 31-ամյա շոտլանդացին ցանկանում է շարունակել խաղալ էլիտար մակարդակում՝ եվրոպական թիմերից մեկում և խաղալ Չեմպիոնների Լիգայում։

Նշվում է, որ հունգարացի պաշտպան Միլոշ Կերկեսի «Լիվերպուլ» տեղափոխվելուց հետո Ռոբերտսոնի անգլիական թիմում դիրքի համար մրցակցությունը կաճի, ուստի ֆուտբոլիստը մտածում է ակումբը փոխելու մասին։

Ռոբերտսոնի պայմանագիրը «Լիվերպուլի» հետ լրանում է 2026 թվականի ամռանը։ 2024/25 մրցաշրջանում պաշտպանը մասնակցել է բոլոր մրցաշարերի 45 հանդիպման, որոնցում կատարել է երկու գոլային փոխանցում։