«Բարսելոնայի» դարպասապահ Մարկ-Անդրե տեր Շտեգենը հրաժարվում է լքել կատալոնական ակումբը։ Այս մասին հայտնում է ESPN-ը։
Աղբյուրի համաձայն՝ գերմանացի դարպասապահը կարծում է, որ դեռ կարող է հանդես գալ որպես իսպանական գրանդի առաջին դարպասապահ։
Նշվում է, որ դարպասապահը հեռանալու որևէ պատճառ չի տեսնում, քանի որ նա երկարաժամկետ շահավետ պայմանագիր ունի կատալոնացիների հետ մինչև 2028 թվականը և ավելի քան 10 տարի ապրել է Կատալոնիայի մայրաքաղաքում՝ վայելելով քաղաքը։
Ավելի վաղ լրատվամիջոցները հայտնել էին, որ տեր Շտեգենը մերժել է «Գալաթասարայի» տրանսֆերի առաջարկը։
