«Արսենալի» գլխավոր մարզիչ Միկել Արտետան որոշում է կայացրել թիմի պաշտպաններ Ալեքսանդր Զինչենկոյի և Ռիկարդո Կալաֆիորիի ապագայի վերաբերյալ։

Ըստ The Mirror-ի՝ Արտետան չի ցանկանում վաճառել Կալաֆիորիին այս ամռանը, բայց պատրաստ է համաձայնել Զինչենկոյի հեռանալուն։ «Միլանը» հետաքրքրված է 23-ամյա իտալացու հետ պայմանագիր կնքելով, սակայն Արտետան բացառել է այդ հնարավորությունը։

Կալաֆիորին 2024/25 մրցաշրջանում բոլոր մրցաշարերում անցկացրել է 29 հանդիպում, խփել է 3 գոլ և կատարել 2 գոլային փոխանցում։ Ֆուտբոլիստի պայմանագիրը նախատեսված է մինչև 2029 թվականի ամառը։

Զինչենկոն 2024/25 մրցաշրջանում անցկացրել է 23 հանդիպում, խփել է 1 գոլ և կատարել 1 գոլային փոխանցում։ Ֆուտբոլիստի պայմանագիրը նախատեսված է մինչև 2026 թվականի ամառը։