«Մանչեսթեր Յունայթեդը» նոր հարձակվող է փնտրում, եթե «Սպորտինգի» հարձակվող Վիկտոր Գյոկերեսի տրանսֆերը չկայանա։

Footmercato-ի տվյալներով՝ «Կարմիր սատանաների» թիրախը Ֆրանկֆուրտի «Այնտրախտի» հարձակվող Ուգո Էկիտիկեն է։

Աղբյուրի տվյալներով՝ «Մանչեսթեր Յունայթեդն» արդեն սկսել է բանակցություններ ֆուտբոլիստի գործակալների հետ հնարավոր տրանսֆերի շուրջ և կապ է հաստատել նաև գերմանական ակումբի հետ։

Հիշեցնենք, որ նախկինում հաղորդվել էր, որ Գյոկերեսը հրաժարվել է տեղափոխվել «Մանչեսթեր Յունայթեդ» և սպասում է, որ Լոնդոնի «Արսենալը» նոր առաջարկ կանի «Սպորտինգին»։

Ուգո Էկիտիկեն «Այնտրախտ» է տեղափոխվել ՊՍԺ-ից նախորդ ամռանը՝ 16.5 միլիոն եվրոյի դիմաց։

2024/25 մրցաշրջանում ֆուտբոլիստը բոլոր մրցաշարերում 48 խաղում խփել է 22 գոլ և կատարել 12 գոլային փոխանցում։ Transfermarkt-ը ֆուտբոլիստին գնահատում է 75 միլիոն եվրո։