ՊՍԺ-ի կենտրոնական հարձակվող Մահամադու Սանգարեն կարող է շարունակել իր կարիերան «Մանչեսթեր Սիթիում»։ Ինչպես հայտնի է դարձել RMC Sport-ին, «Քաղաքացիները» մտադիր են հինգ տարվա պայմանագիր կնքել 18-ամյա ֆրանսիացի հարձակվողի հետ։
Սանգարեի աշխատանքային պայմանագիրը փարիզցիների հետ մոտենում է ավարտին, ուստի անգլիական գրանդը կարող է անվճար ձեռք բերել հարձակվողին։ Նշենք, որ Սանգարեն ՊՍԺ-ի հիմնական թիմի կազմում ոչ մի խաղ չի անցկացրել։ Միևնույն ժամանակ, ֆուտբոլիստը երկու անգամ խաղադաշտ է դուրս եկել Ֆրանսիայի մինչև 18 տարեկանների հավաքականի կազմում։
Հունիսի 15-ին ՊՍԺ-ն կսկսի Աշխարհի ակումբային առաջնությունը «Ատլետիկոյի» դեմ խաղով, իսկ «Մանչեսթեր Սիթին» իր առաջին խաղը կանցկացնի 18-ին՝ «Վիդադի» դեմ։
