Իսպանացի դարպասապահ Ինյակի Պենյան, որը ներկայում պաշտպանում է «Բարսելոնայի» գույները, ընդունել է ակումբը լքելու վերաբերյալ որոշումը, սակայն դեռևս որևէ կոնկրետ քայլ չի արել։ Այս մասին տեղեկացնում է Mundo Deportivo-ն։
Աղբյուրի փոխանցմամբ՝ 26-ամյա դարպասապահը նախատեսում է հեռանալ կատալոնական թիմից 2026 թվականի հունիսին՝ ազատ գործակալի կարգավիճակով, որպեսզի հնարավորություն ստանա ստանալ տրանսֆերային հավելավճար։ Թեև նա հասկանում է, որ Հանս-Դիտեր Ֆլիկի նախընտրած կազմում իր համար տեղ չի մնացել, Պենյան նպատակ չունի վատացնել հարաբերությունները ակումբի ղեկավարության հետ։
Ինյակի Պենյայի հիմնական ձգտումն է՝ տեղափոխվել մի ակումբ, որտեղ կկարողանա ստանալ կայուն խաղաժամանակ։ Նա մտադիր չէ միանալ այնպիսի թիմի, որի սպորտային հեռանկարները իրեն չեն բավարարի։ Ավելի վաղ դարպասապահով հետաքրքրվել են «Սելտան» և «Գալաթասարայը»։
