«Ատլետիկո Մադրիդի» գլխավոր մարզիչ Դիեգո Սիմեոնեն ասել է, որ մադրիդյան ակումբը կանի ամեն ինչ՝ Աշխարհի ակումբային առաջնությունում հաղթելու համար։
«Մենք բոլորս գիտենք, թե ինչ է նշանակում ներկայացնել Իսպանիան և «Ատլետիկո Մադրիդը» Աշխարհի ակումբային առաջնությունում, և մենք կանենք ամեն ինչ, ինչ հնարավոր է։ Այն շատ նման կլինի Աշխարհի առաջնությանը, բայց ակումբային թիմերով:
Հարավամերիկյան և եվրոպական ֆուտբոլային ոճերը շատ տարբեր են միմյանցից, ինչը այն կդարձնի հետաքրքիր և դիտարժան, հատկապես այն երկրպագուների համար, ովքեր սովոր չեն տեսնել այս ակումբների խաղը:
Հուսով եմ, որ սա կլինի անմոռանալի փորձառություն, որը բոլորը կարող են վայելել», – մարզչի խոսքերն է մեջբերում ՖԻՖԱ-ի մամուլի ծառայությունը։
2025 թվականի Աշխարհի ակումբային առաջնության խմբային փուլում «Ատլետիկոն» կմրցի ՊՍԺ-ի, «Սիեթլ Սաունդերսի» և «Բոտաֆոգոյի» դեմ: Մրցաշարը կանցկացվի հունիսի 14-ից հուլիսի 13-ը Միացյալ Նահանգներում:
