Մադրիդի «Ռեալի» նորանշանակ գլխավոր մարզիչ Խաբի Ալոնսոն խորը հիասթափություն է հայտնել ակումբի՝ Մարտին Սուբիմենդիի տրանսֆերը չիրականացնելու որոշման վերաբերյալ։ Ինչպես հաղորդում է Don Balón-ը, Ալոնսոնը 26-ամյա կիսապաշտպանի ձեռքբերումը համարել է առաջնահերթ և անձամբ միջնորդել է նրա համար։
Նա վստահ էր, որ Սուբիմենդին ի վիճակի է ամրապնդել «Ռեալի» կենտրոնական կիսապաշտպանության գիծը՝ հատկապես Տոնի Կրոսի և Լուկա Մոդրիչի հեռանալուց հետո։ Ալոնսոնի կարծիքով՝ Չուամենին և Կամավինգան դեռևս չեն արդարացնում սպասելիքները, իսկ Վալվերդեն հաճախ գործածվում է ոչ իր բնորոշ դիրքում։
Մարզիչը լավ ծանոթ է Սուբիմենդիի խաղաոճին՝ հաշվի առնելով իրենց ընդհանուր անցյալը «Ռեալ Սոսյեդադում», և տպավորված է նրա վերջին ելույթներով Իսպանիայի հավաքականում։ Թեպետ խաղացողի 60 միլիոն եվրո արժողությամբ հրաժարագինը «Ռեալի» համար անընդունելի չէր, Ֆլորենտինո Պերեսը որոշել է չսկսել բանակցություններ։
Արդյունքում՝ Սուբիմենդին ընդունել է Լոնդոնի «Արսենալի» առաջարկը և շուտով կներկայացվի որպես ակումբի նոր խաղացող։
