Լոնդոնի «Արսենալի» պաշտպան Ալեքսանդր Զինչենկոն կարող է կարիերան շարունակել Իտալիայի առաջնությունում։ Այս մասին հայտնում է La Lazio Siamo Noi-ը։
Աղբյուրի համաձայն՝ Հռոմի «Լացիոն» հետաքրքրված է 28-ամյա ֆուտբոլիստի հետ պայմանագիր կնքելով։
«Արսենալը», իր հերթին, պատրաստ է բաժանվել ֆուտբոլիստից, եթե նրա համար առաջարկեն մոտ հինգ միլիոն եվրո։
2024/25 մրցաշրջանում պաշտպանը մասնակցել է Պրեմիեր Լիգայի 15 հանդիպման և կատարել մեկ գոլային փոխանցում։
