Մյունխենի «Բավարիայի» կենտրոնական պաշտպան Կիմ Մին Ջեն դարձել է մի շարք ակումբների տրանսֆերային նպատակը։
Ինչպես հաղորդում է լրագրող Սանտի Աունան, ֆրանսիական ՊՍԺ-ն արդեն առաջին հանդիպումն է անցկացրել ֆուտբոլիստի ներկայացուցիչների հետ՝ բանակցելով Փարիզում։ Այս հանդիպումը վկայում է այն մասին, որ ՊՍԺ-ն լուրջ դիտարկում է Կիմ Մին Ջեին որպես հնարավոր տրանսֆերային թիրախ։ Հանդիպմանը մասնակցել է նաև ակումբի սպորտային խորհրդատու Լուիս Կամպոսը։
«Բավարիան» ֆուտբոլիստի տրանսֆերը գնահատում է 50 միլիոն եվրո և պատրաստ է նրան բաց թողնել միայն իրեն հարմար պայմաններով։ Սակայն, ըստ աղբյուրի, կողմերը մտադիր են առաջիկա օրերին շարունակել բանակցությունները։
Բացի ՊՍԺ-ից, Կիմ Մին Ջեի ծառայություններով հետաքրքրված են նաև անգլիական «Նյուքասլը» և սաուդյան «Ալ-Նասրը»։
