«Նապոլիի» հարձակվող Վիկտոր Օսիմհենը, ով նախորդ մրցաշրջանը վարձավճարով անցկացրել է «Գալաթասարայում», մնում է «Ալ-Հիլալի» առաջնահերթ տրանսֆերային նպատակը։

Այս մասին հայտնում է ինսայդեր Ֆաբրիցիո Ռոմանոն։

Ակումբը քննարկում է խաղացողի պայմանագրում նշված 75 միլիոն եվրոյի հրաժարագնի կետը ակտիվացնելու հնարավորությունը։ Նիգերիացու թեկնածությունը ստացել է նաև Սիմոնե Ինձագիի հավանությունը, ով կարող է «Ինտերից» հեռանալուց հետո գլխավորել «Ալ-Հիլալը»։

26-ամյա Օսիմհենի պայմանագիրը նախատեսված է մինչև 2026 թվականի ամառը։

2024/25 մրցաշրջանում նիգերիացին մասնակցել է 41 հանդիպման, խփել 37 գոլ և կատարել ութ գոլային փոխանցում։