«Չելսին» շարունակում է աշխատել հարձակվող Ուգո Էկիտիկեյի «Այնտրախտից» տեղափոխության ուղղությամբ։

Ինչպես հայտնում է Sky Sport-ը, լոնդոնյան ակումբը բանավոր համաձայնության է եկել 22-ամյա ֆուտբոլիստի հետ։

Ըստ աղբյուրի՝ «Չելսին» արդեն կապ է հաստատել «Այնտրախտի» հետ։ Գերմանական ակումբը շարունակում է պահանջել հսկայական գումար՝ 100 միլիոն եվրո ֆուտբոլիստի համար։ Դեռևս պարզ չէ, թե արդյոք ակումբները կհամաձայնվեն, բայց բանակցային գործընթացի հաջորդ քայլերն արդեն պլանավորված են։

2024/2025 մրցաշրջանում Էկիտիկեն անցկացրել է 48 հանդիպում, խփել 22 գոլ և կատարել 12 գոլային փոխանցում։