Իսպանացի հարձակվող Նիկո Ուիլյամսը բանակցություններ է սկսել «Ատլետիկի» հետ՝ իր ներկայիս պայմանագիրը երկարաձգելու վերաբերյալ: Սոցցանցերում լրագրող Բեն Ջեյքոբսի փոխանցմամբ՝ քննարկումները վերաբերում են ֆուտբոլիստի աշխատավարձը տարեկան 10 միլիոն եվրոյով բարձրացնելուն, ինչպես նաև հրաժարագնի կետի հնարավոր բարձրացմանը:
Այս կետը ներկայումս կազմում է 58 միլիոն եվրո, և ակումբը ձգտում է նոր պայմանագիր կնքել, նախքան հետաքրքրված ակումբները կարողանան այն ակտիվացնել: Ավարտված 2024/25 մրցաշրջանում Ուիլյամսը խաղացել է 45 խաղ, խփել 11 գոլ և կատարել յոթ գոլային փոխանցում:
Ֆուտբոլիստի պայմանագիրը նախատեսված է մինչև 2027 թվականի ամառը: Transfermarkt-ը նրա շուկայական արժեքը գնահատում է 70 միլիոն եվրո:
