«Ռեալ Մադրիդի» հարձակվող Ռոդրիգոն չի ցանկանում լքել «Արքայական» ակումբը, չնայած լրատվամիջոցներում հակառակ տեղեկատվությանը։ Այս մասին հաղորդում է Marca-ն։

Աղբյուրի տվյալներով՝ բրազիլացի ֆուտբոլիստը հաստատել է իսպանական գրանդում մնալու իր ցանկությունը, այդ թվում՝ իր նախկին մարզիչ Կառլո Անչելոտտիի հետ հրաժեշտի ժամանակ։

Նշվում է, որ այս պահին «Ռեալ Մադրիդը» Ռոդրիգոյի համար որևէ առաջարկ չի ստացել։

Նախորդ մրցաշրջանում հարձակվողը մասնակցել է բոլոր մրցաշարերում 50 հանդիպման, որոնցում խփել է 13 գոլ և կատարել 10 գոլային փոխանցում։ Ռոդրիգոյի ներկայիս աշխատանքային պայմանագիրը ակումբի հետ ուժի մեջ է մինչև 2028 թվականի ամառը։