«Լիվերպուլի» հարձակվող Դարվին Նունյեսը բանավոր համաձայնության է եկել «Ատլետիկո Մադրիդի» հետ՝ ամառային տրանսֆերային պատուհանի ժամանակ թիմին միանալու համար։ Այս մասին հայտնում է Topskills Sports UK-ը։
Աղբյուրի համաձայն՝ 25-ամյա ֆուտբոլիստը ցանկանում է խաղալ միայն «Ատլետիկոյի» կազմում, չնայած «Մանչեսթեր Յունայթեդի» և «Նապոլիի» հետաքրքրությանը։ «Լիվերպուլը» բանակցություններ է վարում «Ատլետիկո Մադրիդի» հետ Նունյեսի տրանսֆերի շուրջ և ցանկանում է ֆուտբոլիստի վաճառքից ստանալ 77-95 միլիոն եվրո։
Նունյեսը «Լիվերպուլի» կազմում հանդես է գալիս 2022 թվականից։ Անցած մրցաշրջանում նա թիմի կազմում անցկացրել է 47 հանդիպում բոլոր մրցաշարերում՝ խփելով 7 գոլ և կատարելով 7 գոլային փոխանցում։
Ուրուգվայցու պայմանագիրը անգլիական ակումբի հետ նախատեսված է մինչև 2028 թվականի ամառը։
