«Կրասնոդարի» կիսապաշտպան և ավագ Էդուարդ Սպերցյանը գրավում է մի շարք եվրոպական ակումբների, այդ թվում՝ անգլիական «Լիդսի» ուշադրությունը։ Այս մասին X սոցիալական ցանցում հայտնել է լրագրող Հրաչ Խաչատրյանը։

Աղբյուրի փոխանցմամբ՝ այս փուլում Սպերցյանի համար «Կրասնոդար» տեղափոխվելու պաշտոնական առաջարկ չի եղել, սակայն եվրոպական ակումբների հետաքրքրությունը Էդուարդի նկատմամբ բավականին մեծ է։

Անցյալ մրցաշրջանում Սպերցյանը «Կրասնոդարի» կազմում անցկացրել է 35 խաղ բոլոր մրցաշարերում, որոնցում խփել է 11 գոլ և կատարել յոթ գոլային փոխանցում։ Ֆուտբոլիստի ներկայիս աշխատանքային պայմանագիրը իր ներկայիս ակումբի հետ ուժի մեջ է մինչև 2026 թվականի ամառը։