Բրազիլիայի հավաքականի գլխավոր մարզիչ Կառլո Անչելոտտին բացատրել է, թե ինչու չի հրավիրել Նեյմարին ազգային հավաքական՝ 2026 թվականի աշխարհի առաջնության որակավորման փուլի Էկվադորի և Պարագվայի դեմ առաջիկա խաղերի համար։
Հանդիպումները կկայանան հունիսի 6-ին և 11-ին։
«Մենք ունենք ժամանակացույց, և թիմը պատրաստ կլինի։ Մենք պետք է հաղթենք, քանի որ սրանք երկու կարևոր խաղեր են՝ Աշխարհի առաջնության ուղեգիրն ապահովելու համար։
Նեյմարը նոր է վերականգնվել վնասվածքից։ Կան նաև շատ ֆուտբոլիստներ, ինչպիսիք են Ջոելինտոնը, Միլիտաոն, Էդերսոնը, Ռոդրիգոն, Գաբրիելը․․․ և ուրիշներ, ովքեր չկարողացան գալ վնասվածքների պատճառով։
Մենք հույս ունենք, որ Նեյմարը կցուցադրի իր լավագույն մարզավիճակը։ Նա Բրազիլիա էր եկել Աշխարհի առաջնությանը մասնակցելու համար։ Ես խոսեցի նրա հետ՝ սա բացատրելու համար, և նա լիովին համաձայն է», – Անչելոտտիի խոսքերն է մեջբերում Marca-ն։
