«Բարսելոնայի» գլխավոր մարզիչ Հանս-Դիտեր Ֆլիկը պատասխանել է դարպասապահ Ինյակի Պենյայի՝ ակումբից հնարավոր հեռանալու վերաբերյալ հարցին։ Տարվա սկզբին իսպանացին կորցրեց իր տեղը մեկնարկային կազմում՝ զիջելով Վոյցեխ Շչեսնիին։
Կիրակի օրը Պենյան առաջին անգամ խաղաց հունվարից ի վեր՝ օգնելով «Բլաուգրանային» Լա Լիգայի վերջին տուրում 3-0 հաշվով հաղթել «Ատլետիկին»։
«Սա Պենյայի վերջին խա՞ղն էր «Բարսելոնայի» կազմում․ չգիտեմ, բայց ուզում եմ շնորհակալություն հայտնել նրան։ Նա արժանի էր դրան։ Ինյակին հիասթափված էր նրան մեկնարկային կազմից հեռացնելու իմ որոշումից, բայց նա շարունակեց լավ հանդես գալ մարզումներում», – մամուլի ասուլիսում ասել է Ֆլիկը։
Ինյակի Պենյան անցյալ մրցաշրջանում 23 խաղում բաց է թողել 25 գոլ։
