«Մանչեսթեր Սիթիի» հարձակվողական կիսապաշտպան Ջեք Գրիլիշը, հավանաբար, կփոխի ակումբը առաջիկա տրանսֆերային պատուհանի ժամանակ։ 29-ամյա ֆուտբոլիստը դուրս է մնացել «Սիթիի» հայտացուցակից՝ կիրակի օրը կայանալիք Պրեմիեր լիգայի վերջին՝ «Ֆուլհեմի» դեմ խաղում։
«Մանչեսթեր Սիթին» կարծում է, որ Գրիլիշի անհապաղ հեռանալը գրեթե անխուսափելի է, հայտնում է ինսայդեր Ֆաբրիցիո Ռոմանոն։ Ակումբն արդեն աշխատում է խնդիրը լուծելու ուղղությամբ։
Ջեք Գրիլիշը «Սիթի» է տեղափոխվել 2021 թվականին «Ասթոն Վիլայից» 117.5 միլիոն եվրոյի դիմաց։ Այս մրցաշրջանում խաղացողը Խոսեպ Գվարդիոլայի թիմի կազմում անցկացրել է 32 խաղ բոլոր մրցաշարերում՝ խփելով երեք գոլ և կատարելով հինգ գոլային փոխանցում։
