«Ռեալ Մադրիդի» մամուլի ծառայությունը հայտարարել է, որ թիմի գլխավոր մարզիչ Կառլո Անչելոտտին կհեռանա ակումբից։ Նշվում է, որ կողմերը համաձայնության են եկել իտալացի մասնագետի գործող պայմանագիրը խզելու հարցում։
«Մեր ակումբը ցանկանում է իր երախտագիտությունն ու սերը հայտնել մեկին, ով «Ռեալ Մադրիդի» և համաշխարհային ֆուտբոլի մեծագույն լեգենդներից մեկն է։ Կառլո Անչելոտտին մեր թիմին տարավ մեր 123-ամյա պատմության ամենահաջողակ շրջաններից մեկի միջով և դարձավ ակումբի ամենատիտղոսակիր մարզիչը՝ նվաճելով Չեմպիոնների Լիգայի երեք տիտղոս, Աշխարհի ակումբային առաջնության երեք տիտղոս, Եվրոպայի երեք սուպերգավաթը, Իսպանիայի երկու առաջնությունը, Իսպանիայի երկու գավաթը և Սուպերգավաթը։
Ընդհանուր առմամբ, Կառլո Անչելոտտին «Ռեալ Մադրիդի» ղեկին գտնվելու վեց տարիների ընթացքում նվաճել է 15 տիտղոս։ Ակումբը մաղթում է նրան և նրա ողջ ընտանիքին հաջողություններ կյանքի այս նոր փուլում», – ասվում է «Ռեալ Մադրիդի» մամուլի ծառայության հայտարարության մեջ։
Հիշեցնենք, որ ավելի վաղ հաղորդվում էր, որ Խաբի Ալոնսոն կդառնա «Ռեալ Մադրիդի» նոր գլխավոր մարզիչը։
