«Բարսելոնայի» կենտրոնական պաշտպան Ինիգո Մարտինեսը նոր պայմանագիր կկնքի ակումբի հետ։

Այս մասին հայտնում է Diario Sport-ը։

Աղբյուրի համաձայն՝ կողմերն արդեն համաձայնության են եկել պայմանագիրը մինչև 2027 թվականը երկարաձգելու վերաբերյալ։ Նշվում է, որ պաշտոնական հայտարարությունը նախատեսված է հաջորդ շաբաթ։

Մարտինեսը «Բարսելոնայի» կազմում հանդես է գալիս 2023 թվականի ամռանից։ 34-ամյա պաշտպանը այս մրցաշրջանում բոլոր մրցաշարերում մասնակցել է 46 հանդիպում, խփել է երեք գոլ և կատարել վեց գոլային փոխանցում։