Ամերիկացի կիսապաշտպան Ջոնի Կարդոսոն հայտնվել է Մադրիդի «Ատլետիկոյի» ուշադրության կենտրոնում՝ ամռանը թիմին հնարավոր միանալու դիտարկմամբ։ Ինչպես հայտնում է Marca-ն, Կարդոսոն իրեն հրաշալի է դրսևորել «Ռեալ Բետիսի» կազմում ընթացիկ մրցաշրջանում՝ դառնալով Մանուել Պելեգրինիի կազմի առանցքային խաղացողներից մեկը։
23-ամյա ֆուտբոլիստը աչքի է ընկել իր ինտելեկտով, գնդակ խլելու հմտությամբ և բարձր ճշգրտությամբ փոխանցումներով՝ դարձելով Լա Լիգայի ամենանշանակալի երիտասարդ կիսապաշտպաններից մեկը։ Նրա արդյունավետ ելույթներն անտեսված չեն մնացել, և «Ատլետիկոն» այժմ դիտարկում է Կարդոսոյին որպես թիմի կիսապաշտպանության երկարաժամկետ ուժեղացում։
Նրա էներգիայով լի խաղաոճը և ֆիզիկական ամրությունը համահունչ են Դիեգո Սիմեոնեի պահանջկոտ մարտավարությանը, ինչի արդյունքում Կարդոսոն կարող է դառնալ «Ատլետիկոյի» նոր առանցքային խաղացողներից մեկը։
