«Լիվերպուլի» հարձակվող Դարվին Նունյեսը պատրաստ է տեղափոխվել «Ատլետիկո»։ Մադրիդցիները համարվում են ուրուգվայցու հիմնական հավակնորդներից մեկը՝ իտալական «Նապոլիի» և Սաուդյան Արաբիայի առաջնության ակումբների հետ միասին։
El Larguero-ի տվյալներով՝ «Ատլետիկոյի» ներկայացուցիչները արդեն կապ են հաստատել Նունյեսի հետ, և խաղացողը նշել է, որ գոհ կլինի տեղափոխությունից։ Հարձակվողի համաձայնությունը ստացվել է, և հիմա մադրիդյան թիմը պետք է համաձայնեցնի տրանսֆերի պայմանները «Լիվերպուլի» հետ։
Դարվին Նունյեսի արժեքը, ըստ Transfermarkt-ի, կազմում է 50 միլիոն եվրո։ Հունիսի վերջին «Լիվերպուլի» ֆուտբոլիստը կդառնա 26 տարեկան։
