«Մանչեսթեր Յունայթեդը» բաց է Մարկուս Ռեշֆորդի տրանսֆերը քննարկելու համար այս ամառ, պայմանով, որ ստանա առնվազն 40 միլիոն ֆունտ ստեռլինգի առաջարկ։ Այս մասին տեղեկացնում է The Telegraph-ը։
Աղբյուրի պնդմամբ՝ քիչ հավանական է, որ 27-ամյա հարձակվողը շարունակի իր կարիերան «Օլդ Թրաֆորդում»։ Ռեշֆորդն ունի նպատակ՝ վերադառնալ Անգլիայի հավաքական և մասնակցել Աշխարհի առաջնությանը, այդ իսկ պատճառով ցանկանում է խաղալ Չեմպիոնների լիգայի մակարդակով։
Հաղորդվում է, որ ձմեռային տրանսֆերային պատուհանի ընթացքում Ռեշֆորդը միացել էր «Ասթոն Վիլլային» վարձակալությամբ։ Չի բացառվում, որ բիրմինգհեմյան ակումբը ցանկանա պահել ֆուտբոլիստին՝ ամբողջական տրանսֆերի միջոցով, հատկապես եթե կարողանա ապահովել տեղ Չեմպիոնների լիգայում։
