«Ռեալ Մադրիդի» լեգենդար նախկին կիսապաշտպան Տոնի Կրոսը հանդես է եկել Կիլիան Մբապպեին պաշտպանելով՝ մերժելով այն կարծիքը, թե թիմի անհաջողությունները կապված են նրա՝ պաշտպանությանը չմասնակցելու հետ։
Չնայած այն հանգամանքին, որ նախորդ մրցաշրջանում մադրիդյան ակումբը հաղթեց ինչպես Լա Լիգայում, այնպես էլ Չեմպիոնների լիգայում, այս տարի պատկերը փոխվեց։ Թիմը դուրս մնաց եվրոպական գլխավոր մրցաշարի քառորդ եզրափակիչ փուլից՝ պարտվելով «Արսենալին», և գրեթե զրկվեց Լա Լիգայի չեմպիոնության հնարավորությունից։
Մբապպեն, ով միացավ «Ռեալին» մրցաշրջանի սկզբում, որոշ վերլուծաբանների կողմից դիտարկվում է որպես այդ անկման պատճառներից մեկը։ Սակայն Կրոսը հստակ դիրքորոշում է հայտնել.
«Չեմպիոնների լիգայից դուրս մնալը Մբապպեի մեղքը չէ։ Նա առաջընթաց է գրանցել և արժանի է բարձր գնահատականի», – Կրոսի խոսքերն է մեջբերում Madrid Universal-ը։
Նշենք, որ ֆրանսիացի հարձակվողը վերջերս փայլեց «Բարսելոնայի» դեմ խաղում՝ ձևակերպելով հեթ-տրիկ և միաժամանակ սահմանելով ակումբի նոր ռեկորդ՝ դեբյուտային մրցաշրջանում խփած 38 գոլով։
