«Մանչեսթեր Յունայթեդը» ամառային տրանսֆերային շուկայում դիտարկում է թիմի կազմը ուժեղացնելու տարբերակներ։ Ինչպես հայտնում է Corriere dello Sport-ը, «Կարմիր սատանաները» պատրաստում են 100 միլիոն եվրոյի առաջարկ Նյուքասլին՝ կիսապաշտպան Սանդրո Տոնալիի համար։

Նշվում է, որ «Կարմիր սատանաները» առաջարկ կանեն Տոնալիի համար, եթե հաջորդ մրցաշրջանում որակավորվեն Չեմպիոնների լիգայում։ Դրա համար Ռուբեն Ամորիմի թիմը պետք է հաղթի «Թոթենհեմին» Եվրոպա լիգայի եզրափակչում։ 2024/2025 մրցաշրջանում Սանդրո Տոնալին անցկացրել է 43 պաշտոնական խաղ, խփել վեց գոլ և կատարել երեք գոլային փոխանցում թիմակիցներին։