«Մանչեսթեր Յունայթեդը» պատրաստվում է մերժել կիսապաշտպան և ավագ Բրունո Ֆերնանդեշի վերաբերյալ բոլոր առաջարկները այս ամռանը։
Այս մասին հայտնում է ESPN GB-ը։
Աղբյուրի փոխանցմամբ՝ «Կարմիր սատանաների» ղեկավարությունը պատրաստ է բաժանվել մի քանի ֆուտբոլիստներից, սակայն պորտուգալացի կիսապաշտպանը նրանց թվում չէ։
Ավելի վաղ հաղորդվում էր, որ Ֆերնանդեսի նկատմամբ հետաքրքրություն է ցուցաբերում «Ալ-Հիլալը»։
Նշվում էր, որ սաուդյան ակումբը «Մանչեսթեր Յունայթեդի» կիսապաշտպանին առաջարկել էր տարեկան 65 միլիոն ֆունտ ստեռլինգ աշխատավարձով պայմանագիր։
Այս մրցաշրջանում Ֆերնանդեշը բոլոր մրցաշարերում անցկացրել է 52 խաղ, խփել 19 գոլ և կատարել 18 գոլային փոխանցում։ Ֆուտբոլիստի ներկայիս աշխատանքային պայմանագիրը ակումբի հետ նախատեսված է մինչև 2027 թվականի ամառը։
