Հարձակվողական կիսապաշտպան Լերոյ Սանեն կարող է լքել «Բավարիան» ընթացիկ նմրցաշրջանի ավարտին։ Այս մասին հաղորդում է   Sports.Yahoo-ն։

Աղբյուրի փոխանցմամբ՝ կողմերը չեն համաձայնվել նոր աշխատանքային պայմանագիր կնքել։ Սանեն կարող է շարունակել կարիերան Իսպանիայի առաջնությունում, որտեղ նրա ծառայություններով հետաքրքրություն է ցուցաբերել կատալոնական «Բարսելոնան»։

Ավելի վաղ հաղորդվում էր նաև, որ Լերոյը կարող է տեղափոխվել Պրեմիեր լիգա։ Սանեն կարող է ազատ գործակալ դառնալ հաջորդ ամռանը։ 29-ամյա կիսապաշտպանը Բունդեսլիգայի ընթացիկ մրցաշրջանում անցկացրել է 28 խաղ, խփել 11 գոլ և կատարել չորս գոլային փոխանցում։