Լոնդոնի «Արսենալի» գլխավոր մարզիչ Միկել Արտետան խոսել է «Բորնմութի» դեմ տնային խաղում կրած պարտության (1-2) մասին։
«Արսենալը» առաջ էր հաշվի մեջ 34-րդ րոպեին Դեկլան Ռայսի խփած գոլի շնորհիվ, սակայն երկրորդ խաղակեսում «Բորնմութը» Դին Հյուսենի և Էվանիլսոնի շնորհիվ երկու գոլ խփեցին և առաջ անցան հաշվի մեջ։
«Խաղի սկզբում շատ բաներ ընթացան այնպես, ինչպես մենք էինք ուզում։ Մենք պետք է հաղթեինք խաղում, բայց չհաջողվեց։ Բացի այդ, մենք շատ վատ խաղացինք պաշտպանությունում՝ նույնիսկ մեր սովորական մակարդակին մոտ չլինելով։
Մենք շատ հիասթափված և զայրացած ենք, ինչը պետք է մեզ օգնի չորեքշաբթի օրը», – ասել է Արտետան։
