«Լիվերպուլը» դարձել է Անգլիայի չեմպիոն, սակայն պատրաստվում է ուժեղացնել թիմի կազմը։
Ակումբը հասկանում է, որ մրցակցությունը ամառային տրանսֆերային շուկայում մեծանալու է, հատկապես «Մանչեսթեր Սիթիի» և այլ թիմերի կողմից, ուստի պատրաստ է ամուր քայլերով գործել։ Մերսիսայդցիները, ըստ The Telegraph-ի, պատրաստ են մեծ գումարներ ծախսել ամառվա տրանսֆերների վրա։
«Լիվերպուլի» հիմնական տրանսֆերային նպատակները ձախ պաշտպանի և կենտրոնական հարձակվողի դիրքերում նոր ֆուտբոլիստներ ունենալն է։ Վերջին ամիսներին ակումբի սկաուտները լուրջ ուսումնասիրություններ են կատարել տարբեր թեկնածուների վերաբերյալ։
Ըստ աղբյուրի «Լիվերպուլը» հետաքրքրված է «Բորնմութի» խաղացողներ Միլոշ Կերկեսի և Դին Հոյսենի ծառայություններով։ Թիմի ուշադրության կենտրոնում են նաև Հյուգո Էկիտիյկեն և Ալեքսանդր Իսակը։
Ակումբի տրանսֆերային ակտիվությունը կախված կլինի թե՛ թիրախների ընտրությունից, թե՛ վաճառքից ստացված եկամուտներից։
