«Ռեալ Մադրիդի» պաշտպան Անտոնիո Ռյուդիգերը կարող է երկարաժամկետ որակազրկում ստանալ «Բարսելոնայի» դեմ հանդիպման վերջնամասում մրցավարի վրա հարձակվելու փորձի համար։
Ըստ AS պարբերականի՝ նա կարող է բաց թողնել 4-ից 12 հանդիպում։
Խաղի վերջին րոպեներին Ռյուդիգերը լիովին կորցրեց իր հանգստությունը Կիլիան Մբապպեի կողմից Էրիկ Գարսիայի նկատմամբ կատարված խախտումից հետո, որի համար նա կարմիր քարտ ստացավ։
Դրանից հետո գերմանացի պաշտպանը փորձել է հարձակվել հանդիպման մրցավար Բուրգոս Բենգոեչեայի վրա, ինչպես նաև սառույցի տոպրակով հարվածել նրան։
Կենտրոնական պաշտպանին ետ են պահել տեխնիկական գոտում գտնվող թիմակիցները և մադրիդյան ակումբի մարզչական շտաբի անդամները։
Հիշեցնենք, որ հանդիպումն ավարտվեց «Բարսելոնայի»՝ 3-2 հաշվով հաղթանակով, ինչի արդյունքում կատալոնական ակումբը պատմության մեջ 32-րդ անգամ դարձավ Իսպանիայի գավաթակիր։
A video showing how Rudiger wanted to hit the referee, had it not been for the intervention of those present! 😱😳pic.twitter.com/VlYaYsQ3TI
— 24/7WeatherPhenomenaObserver (@24weather24) April 27, 2025
