Կատալոնական «Բարսելոնայի» ղեկավարները մտադիր են երկարաձգել աշխատանքային պայմանագիրը թիմի հարձակվողական ոճի կիսապաշտպան Ռաֆինյայի հետ։
Այս մասին հայտնում են Todofichajes պորտալի լրագրողները։ Կատալոնացիները գոհ են 28-ամյա բրազիլացու խաղից և ցանկանում են նրա հետ քննարկել նոր պայմանագիրը։ Կողմերի միջև գործող աշխատանքային պայմանագրի ժամկետը լրանում է 2027 թվականի հունիսի վերջին:
Transfermarkt-ը ֆուտբոլիստի շուկայական արժեքը գնահատում է 80 միլիոն եվրո: Իսպանիայի Լա Լիգայի ընթացիկ մրցաշրջանում Ռաֆինյան «Բարսելոնայի» կազմում անցկացրել է 28 հանդիպում, որոնցում խփել է 13 գոլ և կատարել 8 գոլային փոխանցում։
