«Արսենալի» գլխավոր մարզիչ Միկել Արտետան պատասխանել է Կևին Դե Բրույնեի մասին հարցին։
Այսօր հայտնի դարձավ, որ բելգիացին հաջորդ ամառ կլքի «Մանչեսթեր Սիթին»։
«Դե Բրույնեն Պրեմիեր Լիգայի լավագույն ֆուտբոլիստներից մեկն է։ Ես երբեք չէի տեսել նման ճշգրտությամբ ֆուտբոլիստ այսքան բարձր արագությամբ»,- ասել է Միկել Արտետան մամուլի ասուլիսի ժամանակ։
Կևին Դե Բրույնեն իր տասներորդ մրցաշրջանն է անցկացնում «Մանչեսթեր Սիթիում»։ Այս ընթացքում բելգիացին անցկացրել է 413 հանդիպում, որոնցում դարձել է 106 գոլի և 174 գոլային փոխանցման հեղինակ։
