ՊՍԺ-ի պաշտպան և ավագ Մարկինյոսը մեկնաբանել է իր թիմի հաղթանակն անգլիական «Լիվերպուլի» դեմ Չեմպիոնների Լիգայի 1/8-րդ եզրափակչի պատասխան խաղում (1։0 (11 մետրանոցներ՝ 4։1)։
«Շատ դժվար էր կողքից դիտելը։ Սա ցույց է տալիս թիմի արժեքը։ Մենք հիանալի խաղ ցուցադրեցինք, երկու խաղերում էլ արժանի էինք որակավորմանը, դրանում կասկած չկա։ Միշտ չէ, որ ֆուտբոլը քեզ հնարավորություն է տալիս։ Այսօր ես ուրախ եմ, որ մենք ավելի առաջ ենք գնացել, քանի որ մենք իսկապես արժանի էինք դրան։
Բոլորը, ողջ անձնակազմը, մեծ աշխատանք կատարեցին։ Ես շատ ուրախ եմ։ Չկա սահմանափակում, թե ինչ կարող ենք անել, բայց մենք պետք է շարունակենք կատարելագործվել և չհանգստանալ մեր դափնիների վրա։ Այս հանդիպումը կարող էր եզրափակիչ լինել, բայց 1/8-ն է, և մենք դեռ շատ աշխատանք ունենք անելու»,- Մարկինյոսի խոսքերն է մեջբերում L’Equipe-ը։
Թիմերի միջև կայացած առաջին հանդիպումն ավարտվել է մերսիսայդցիների արտագնա հաղթանակով՝ 1:0 հաշվով: Այդ խաղում միակ գոլը խփեց կիսապաշտպան Հարվի Էլիոթը։ Այսպիսով, ՊՍԺ-ն դուրս եկավ Չեմպիոնների Լիգայի ընթացիկ խաղարկության քառորդ եզրափակիչ։
