«Լիվերպուլը» մտադիր է առաջիկա ամառային տրանսֆերային պատուհանի ընթացքում փոփոխել թիմի կազմը։ Այս մասին հայտնում է լրագրող Ֆլորիան Պլետենբերգը։
Աղբյուրի համաձայն՝ ակումբը կարող են լքել դարպասապահ Կևին Կելեհերը, կիսապաշտպաններ Վատարու Էնդոն և Հարվի Էլիոթը, ինչպես նաև հարձակվողներ Ֆեդերիկո Կիեզան և Դիոգո Ժոտան։
Սպասվում են նաև մի քանի նոր ձեռքբերումներ։
«Լիվերպուլը» ներկայումս զբաղեցնում է Պրեմիեր Լիգայի մրցաշարային աղյուսակի առաջին տեղը։ Առնե Սլոտի թիմը 29 խաղից ունի 70 միավոր և մոտակա մրցակցից առաջ է 15 միավորով։
