Մադրիդի «Ռեալի» գլխավոր մարզիչ Կառլո Անչելոտտին խոսել է այս մրցաշրջանում թիմի ֆրանսիացի կիսապաշտպան Օրելիեն Չուամենիի առաջընթացի մասին։
«Չուամենին շատ ուժեղ բնավորություն ունի, նա ուժեղ անհատականություն է։ Նա աշխատասեր է, լուրջ և պրոֆեսիոնալ։ Չուամենին շատ լավ է վերաբերվում քննադատությանը։ Նա հիմա բավականին լավ է խաղում գնդակով։ Մենք պետք է փորձարկեինք նրան առանց գնդակի, և նա տպավորիչ է։ Մոդրիչ-Չուամենի զույգը շատ լավն է,- Անչելոտտիի խոսքերն է մեջբերում ակումբի պաշտոնական կայքը։
Այս մրցաշրջանում Չուամենին բոլոր մրցաշարերում անցկացրել է 37 հանդիպում՝ կատարելով մեկ գոլային փոխանցում։
