Անգլիայի հավաքականի նախկին ֆուտբոլիստ Գարի Նևիլը կարծում է, որ «Մանչեսթեր Յունայթեդի» գլխավոր մարզիչ Ռուբեն Ամորիմը ժամանակ կունենա ապացուցելու իր արժեքը:
Պորտուգալացին անցած նոյեմբերին «կարմիր սատանաների» ղեկին փոխարինեց Էրիկ տեն Հագին, սակայն արդյունքները չեն բարելավվել: Թիմը 28 տուրից հետո Պրեմիեր լիգայի մրցաշարային աղյուսակի 14-րդ տեղում է։
«Կարծում եմ, որ ակումբը կաջակցի Ամորիմին: Ամռանը նա կստանա այն, ինչ իրեն պետք է։ Կարծում եմ, որ նրան գումար կտրվի տրանսֆերների համար և նոր կազմով ինչ-որ բանի հասնելու հնարավորություն»,- Նևիլի խոսքերն է մեջբերում UtdDistrict-ը։
