Մադրիդի «Ռեալը» այսօր սեփական հարկի տակ կընդունի «Ռայո Վալյեկանոյին»։ Ինչպես հայտնում է AS-ը, «Լոս Բլանկոսի» կազմում չեն խաղա դարպասապահ Տիբո Կուրտուան և պաշտպան Անտոնիո Ռյուդիգերը։
Կուրտուան անհարմարություն ունի ծնկի հատվածում։ Մադրիդի «Ռեալի» առաջին դարպասապահը պետք է պատրաստ լինի Չեմպիոնների լիգայում «Ատլետիկոյի» հետ դիմակայությանը։
Ռյուդիգերն իր հերթին հիվանդության պատճառով բաց է թողել վերջին մարզումները։ Սպասվում է, որ գերմանացի ֆուտբոլիստը երկուշաբթի կվերադառնա մարզումներին:
«Ռեալ Մադրիդ»-«Ռայո Վալյեկանո» հանդիպումը կմեկնարկի Երևանի ժամանակով 19:15-ին:
