«Վեսթ Հեմի» կիսապաշտպան Լուկաս Պակետայի խաղադրույքների գործը նախատեսված է դատավարության մարտ ամսին։ Այս մասին հայտնում է Sky Sports-ը։

Ըստ աղբյուրի՝ գործընթացը կարող է տևել երեք շաբաթ։

Հիշեցնենք, որ 2024 թվականի հունիսին հայտնի դարձավ, որ Ֆուտբոլային ասոցիացիան (FA) կարող է ցմահ որակազրկել կիսապաշտպանին՝ արդար խաղի և խաղադրույքների խախտման համար։ Հաղորդվում էր, որ բրազիլացու հետ կապված մոտ 60 մարդ խաղադրույք է կատարել դեղին քարտերի վրա՝ շահելով ավելի քան 100,000 ֆունտ ստեռլինգ։

Նշենք, որ ֆուտբոլիստը հերքում է իրեն առաջադրված մեղադրանքը։ Նա հայտարարել է, որ պայքարելու է իր բարի անվան համար։