Գերմանական «Բավարիան» բանավոր համաձայնության է եկել թիմի կիսապաշտպան Յոզուա Կիմիխի հետ նոր պայմանագրի շուրջ։ Այս մասին հայտնում է հայտնի ինսայդեր Ֆլորիան Պլետենբերգը X սոցիալական ցանցում։

Աղբյուրի տեղեկություններով՝ համաձայնագիրը ուժի մեջ կլինի մինչև 2029 թվականը։

Նշվում է, որ Կիմիխը դիտարկում էր ՊՍԺ տեղափոխվելու տարբերակը, սակայն գերմանացի ֆուտբոլիստի հիմնական ուշադրությունը մյունխենցիների հետ նոր պայմանագրի վրա է:

Գերմանական Բունդեսլիգայի ընթացիկ մրցաշրջանում 30-ամյա Կիմիխն անցկացրել է 23 հանդիպում, որոնցում դարձել է մեկ գոլի և 6 գոլային փոխանցման հեղինակ։ Կիսապաշտպանը Չեմպիոնների Լիգայում գրանցել է 11 խաղ և 5 գոլային փոխանցում։