«Լիվերպուլի» կիսապաշտպան Վատարու Էնդոն պատմել է, թե ինչի է ցանկանում հասնել այս մրցաշրջանում։ Արնե Սլոտի թիմը վստահորեն գլխավորում է Պրեմիեր լիգան՝ առաջ անցնելով «Արսենալից» 13 միավորով, ինչպես նաև շարունակում է պայքարը Չեմպիոնների լիգայում և խաղալու է Անգլիայի լիգայի գավաթի եզրափակիչում։
«Ցանկանում եմ նվաճել բոլոր գավաթները, բայց Պրեմիեր լիգայում հաղթելն ինձ համար առանձնահատուկ փորձ կլինի: Մենք լավ ենք խաղում, ուստի հուսով ենք, որ կարող ենք ավարտին հասցնել աշխատանքը և հաջողության հասնել մրցաշրջանի վերջում»,- Էնդոյի խոսքերն են մեջբերում անգլիական լրատվամիջոցները:
Չեմպիոնների լիգայի 1/8 եզրափակչի առաջին խաղում «Լիվերպուլը» հյուրընկալվելիս կխաղա ՊՍԺ-ի հետ այսօր: Պատասխան հանդիպումը կկայանա հաջորդ երեքշաբթի «Էնֆիլդում»:
