Միլանի «Ինտերի» առաջատար պաշտպան Ֆեդերիկո Դիմարկոն գրավել է Անգլիայի բարձրակարգ ակումբներից մեկի ուշադրությունը։ Այս մասին հայտնում է Todofichajes-ը։

Աղբյուրի համաձայն՝ «Մանչեսթեր Յունայթեդը» ցանկանում է 27-ամյա իտալացուն իրենց շարքերը բերել։ Դիմարկոյի հետ պայմանագիր կնքելը «կարմիր սատանաների» առաջնահերթ նպատակն է ամառային տրանսֆերային պատուհանի համար։

Իտալական ակումբը բաց չի թողնի ֆուտբոլիստին, եթե նրա համար 50 միլիոն եվրոյից պակաս առաջարկեն։

Իտալիայի առաջնության ընթացիկ մրցաշրջանում Դիմարկոն անցկացրել է 24 հանդիպում՝ դառնալով չորս գոլի և չորս գոլային փոխանցման հեղինակ։ Պաշտպանի աշխատանքային պայմանագրի ժամկետը լրանում է 2027 թվականի ամռանը։