Իտալիայի հավաքականի նախկին հարձակվող Անտոնիո Կասսանոն քննադատել է Թուրինի «Յուվենտուսի» գլխավոր մարզիչ Տիագու Մոտայի աշխատանքը։
«Տիագու Մոտան աղետ է դարձել իր թիմի համար։ Նրանք պետք է ամեն ինչ նորից սկսեն այլ մարզչի հետ։ Աղետալի արդյունքներ են», – Կասսանոյի խոսքերը մեջբերում է լրագրող Նիկոլո Շիրան։
Հիշեցնենք, որ Տիագու Մոտան «Յուվենտուսի» գլխավոր մարզիչ է դարձել 2024 թվականի ամռանը։ Նախկինում մասնագետը գլխավորել է «Բոլոնիան»։
26 տուրից հետո թուրինյան թիմը Ա Սերիայի մրցաշարային աղյուսակի չորրորդ տեղում է՝ 49 միավորով։
