«Լիվերպուլի» գլխավոր մարզիչ Արնե Սլոտը խոսել է Պրեմիեր Լիգայի 26-րդ տուրի՝ «Մանչեսթեր Սիթիի» հետ խաղի մասին, որն ավարտվել է մերսիսայդցիների հաղթանակով 2:0 հաշվով։
«Առաջին խաղակեսը նրանց համար ավելի լավն էր, քան մեզ, եթե հաշվի չառնենք հաշիվը։ Չեմ կարծում, որ նրանք իրական հնարավորություններ ունեին, բայց թվում էր, թե «Սիթին» պատրաստվում էր գոլ խփել:
Երկրորդ խաղակեսում չեմ հիշում, որ նրանք իրական հնարավորություն ունենային:
Եթե ցանկանում եք հաղթել կարևոր խաղում, ապա պետք է հավասարակշռություն ձեռք բերեք դրվագներում կամ մեկ գոլ խփեք և բաց չթողնեք: Մենք «Սիթիին» թույլ չտվեցինք շատ վտանգավոր պահեր ստեղծել», – Սլոտի խոսքերն է մեջբերում Sky Sports-ը։
Հիշեցնենք, որ «Լիվերպուլը» 27 խաղից հետո վաստակել է 64 միավոր և առաջին տեղում է։ «Մանչեսթեր Սիթին» Պրեմիեր Լիգայի մրցաշարային աղյուսակում չորրորդն է։ Թիմը 26 խաղում վաստակել է 44 միավոր։
