«Մանչեսթեր Սիթիի» գլխավոր մարզիչ Պեպ Գվարդիոլան անսովոր պատասխան է տվել կիսապաշտպան Ռոդրիի վնասվածքի և նրա բացակայությունն այս մրցաշրջանում ակումբի գործունեության վրա ունեցած ազդեցության վերաբերյալ հարցին:
««Մանչեսթեր Սիթիի» խնդիրներ Ռոդրիի վնասվածքի պատճառով։ Միգուցե այն պատճառով, որ նա այս պահին աշխարհի լավագույն ֆուտբոլիստն է։ Ես Թրեբլ նվաճեցի «Բարսելոնայի» հետ… Կարո՞ղ էի դա անել առանց Լիոնել Մեսսիի», – Գվարդիոլայի խոսքերն է մեջբերում AS-ը։
Հիշեցնենք, որ այս պահին «Մանչեսթեր Սիթին» Պրեմիեր Լիգայի մրցաշարային աղյուսակի չորրորդ տեղում է՝ վաստակած 44 միավորով։ Գվարդիոլայի թիմը ՈՒԵՖԱ-ի Չեմպիոնների Լիգայի 2024/2025 մրցաշրջանի ընդհանուր հաշվարկում զբաղեցրեց 22-րդ տեղը և դուրս եկավ մրցաշարի փլեյ-օֆֆ փուլ, որտեղ նրանք կհանդիպեն Մադրիդի «Ռեալին»։ Առաջին խաղն ավարտվել է անգլիական թիմի տնային պարտությամբ՝ 2։3 հաշվով։
«Մանչեսթեր Սիթիի» կիսապաշտպան Ռոդրին, ով արժանացել է 2024 թվականի «Ոսկե գնդակի», խաչաձև կապանների վնասվածք է ստացել սեպտեմբերին «Արսենալի» դեմ Պրեմիեր Լիգայի խաղի ժամանակ և դուրս է մնացել մրցաշրջանի մնացած հատվածից։
