Մադրիդի «Ռեալի» գլխավոր մարզիչ Կառլո Անչելոտտին Չեմպիոնների Լիգայի փլեյ-օֆֆի «Մանչեսթեր Սիթիի» դեմ պատասխան խաղից առաջ կիսվել է իր մեկնաբանությամբ։
«Ես հոգնել եմ Գվարդիոլային իմ առջև տեսնելուց։ Ես դեռ կարծում եմ, որ նա ֆանտաստիկ մարզիչ է, բայց ես հոգնել եմ նրա դեմ խաղալուց։ Այնուամենայնիվ, միշտ հաճելի է նրան տեսնելը։
Ամեն խաղ չէ, որ առանձին մարտահրավեր է։ Ես և նա հիանալի հասկանում ենք, որ սա Անչելոտտիի և Գվարդիոլայի խաղը չէ, այլ «Ռեալի» և «Մանչեսթեր Սիթիի» միջև՝ երկու թիմերի, որոնք լի են ֆանտաստիկ ֆուտբոլիստներով։
Գիտենք, որ դժվար ու հետաքրքիր հանդիպում է լինելու։ Հիմա ոչ ոք չի կարող իմանալ, թե ինչ կլինի։ Բայց դա կլինի, ինչպես վերջին տարիներին, ֆանտաստիկ խաղ, որը հաճելի կլինի դիտել, քանի որ խաղադաշտը լի կլինի ֆանտաստիկ ֆուտբոլիստներով»,- Անչելոտտիի խոսքերն է մեջբերում TNT-ն։
Հիշեցնենք, որ «Ռեալ Մադրիդ» – «Մանչեսթեր Սիթի» պատասխան հանդիպումը կկայանա այսօր՝ փետրվարի 19-ին, Մադրիդում։ Առաջին հանդիպման արդյունքը 3։2 էր՝ հօգուտ «Սերուցքայինների»։
