Անցած շաբաթ «Չելսին» Պրեմիեր լիգայում 0:3 հաշվով ծանր պարտություն կրեց «Բրայթոնից»: Այնուամենայնիվ, լոնդոնյան ակումբը չի պատրաստվում փոխել իր գլխավոր մարզչին։ Էնցո Մարեսկային ոչ մի վտանգ չի սպառնում:
«Չնայած վերջին արդյունքներին, «Չելսին» շարունակում է վստահ լինել, որ Մարեսկան ճիշտ մասնագետ է աշխատանքի համար: Այնպես որ, ոչ մի վտանգ չկա, ոչ մի խնդիր, ոչ մի հարց:
«Չելսին» այս պահին լավագույն պահը չի ապրում, բայց երկարաժամկետ հեռանկարում ակումբը գոհ է Մարեսկայից։ Նրանց դուր է գալիս նրա մոտեցումը խաղացողների և մարտավարության նկատմամբ, նրա մտածելակերպը»,- ասել է հեղինակավոր ինսայդեր Ֆաբրիցիո Ռոմանոն YouTube-ի իր ալիքում։
«Չելսին» այժմ Պրեմիեր լիգայի մրցաշարային աղյուսակի 6-րդ տեղում է:
