«Կրասնոդարը» պատրաստ է թիմի կիսապաշտպան Էդուարդ Սպերցյանին ամռանը 12-13 միլիոն եվրոյի դիմաց վաճառել անգլիական «Լիդսին»: Այդ մասին Championat-ին հայտնել է իրավիճակին ծանոթ աղբյուրը:
«Ակումբները կապի մեջ են ամռանը կիսապաշտպանի հնարավոր տրանսֆերի հետ կապված։ Գործարքը կախված կլինի մի քանի գործոններից: Առաջին հերթին դա կախված է նրանից, թե արդյոք անգլիական ակումբը կհասնի Պրեմիեր Լիգա, բայց «Կրասնոդարը» պատրաստ կլինի ընդունել «Լիդսի» առաջարկը ամռանը, եթե նրանք հաջողությամբ հասնեն Պրեմիեր Լիգա», – ավելացրել է Championat-ի աղբյուրը:
Ավելի վաղ Սպերցյանի նկատմամբ «Լիդսի» հետաքրքրության մասին հայտնել էր լրագրող Իվան Կարպովը։
Այս մրցաշրջանում Սպերցյանը բոլոր մրցաշարերում մասնակցել է 26 հանդիպման՝ դառնալով 6 գոլի և երեք գոլային փոխանցման հեղինակ։ Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2026 թվականի ամառը:
