«Մանչեսթեր Յունայթեդի» գլխավոր մարզիչ Ռուբեն Ամորիմը գնահատել է ակումբի խնդիրները՝ հաշվի առնելով անձնակազմի զանգվածային կրճատումները և ֆինանսական վիճակը բարելավելու այլ փորձերը։
«Այս պահին մեր ամենամեծ խնդիրը «Թոթենհեմն» է։ Իհարկե, մենք հասկանում ենք, թե ինչ իրավիճակում է հայտնվել ակումբը։ Ես պետք է հասկանամ բոլոր խնդիրները։
Սա նոր խնդիր չէ։ Մենք գիտեինք արդար խաղի կանոնների մասին, գիտենք, որ հիմա խնդիր կա, բայց դա չի կարող ազդել, թե ինչպես եմ ես մարզում թիմը, ինչպես եմ պատրաստվում հաջորդ խաղին։ Ես կենտրոնանում եմ սրա վրա, այլ ոչ թե այլ բաների։
Դա պարզ է՝ ինչ-որ բան անելու համար մենք պետք է ֆուտբոլիստներ վաճառենք։ Ես կենտրոնացած եմ հանդիպումներին պատրաստվելու վրա։ Հիմա չենք կարող ֆուտբոլիստներ վաճառել, տրանսֆերային պատուհանը փակ է։ Մենք կենտրոնանալու ենք առաջիկա խաղերի վրա, իսկ հետո, երբ գա ամառ, կտեսնենք, թե ինչ կլինի»,- Ամորիմի խոսքերն է մեջբերում Sky Sports-ը։
